慕尼黑啤酒节 攞正牌饮足16日德国啤酒

提起全世界最大型嘅啤酒节，一定係Oktoberfest 慕尼黑啤酒节。呢个节日其实源于1810年，当时嘅路德维希王子为咗庆祝自己嘅婚礼，于时就喺一场赛马活动之后狂饮啤酒庆祝，最后就唔知点解变成每年一次，由9月嘅第三个礼拜六到10月第一个礼拜日，饮足16日嘅盛事（可能high得济挂）！至于今年慕尼黑啤酒节会由9月19号至10月4号举行，喺特定日期同时间都会有指定嘅活动甚至係discount，包保所有人饮得尽兴又开心！

每年慕尼黑啤酒节指定动作，由慕尼黑市长为第一筒啤酒开笣。

全部人都会喺呢种超巨型帐幕吓围埋一齐饮啤酒、食嘢同听live band庆祝。

普通一个德国女仔闲闲地都拎得起十几杯大啤酒，所以真係唔好得罪佢地！

慕尼黑啤酒节提供嘅啤酒全部都受超过500年历史嘅德国纯净法「Reinheitsgebot」认可，所以有咩可能唔好饮？

既然慕尼黑啤酒节里面有咁多正宗又好味嘅啤酒，梗係要配返啲德国正宗食物嚟送啤酒啦！以下就有6款慕尼黑啤酒节现场必食推介，当中前菜冷盘主菜甜品样样都有，包你一日内可以试匀所有传统德国食物！

牛仔肉香草肠 Weisswurst

冻肉冷盘沙律 Brotzeitbrettl

麵包圈 Pretzel

烧猪手配薯仔球 Haxn Mit Knodeln

烧猪柳配薯仔球 Schweinsbraten Mit Zwei Kartoffelknodel

苹果批配云呢拿汁 Apfelstrydel Mit Vanillesauce

其实德国人真係好锺意啤酒，特别係喜庆嘅日子，好似呢位啱啱赢咗比赛嘅三项铁人选手，即刻倒啤酒庆祝，爽！

2015 慕尼黑啤酒节 Oktoberfest

日期：9月19至10月4

网上成功申请指定渣打信用卡，即有机会赢取HK$5,000旅游礼券，请你免费去一转日本、韩国同泰国等国家！

立即申请